Ծաղիկները բազմազան են, ինչպես նաև դրանք նվիրելու առիթները։ Ծննդյան տարեդարձ, Ամանոր, Սուրբ Վալենտին, նշանավոր հոբելյաններ և այլն, որտեղ անհրաժեշտ են ամենագեղեցիկ տոնական ծաղկեփնջերը։ Ծաղիկներով հնարավոր է արտահայտել զգացմունքների լայն շարք, սկսած ուրախությունից ու սիրուց, մինչև կարեկցանքն ու շնորհավորանքը։

Ձմեռային ծաղիկների ուշագրավ առանձնահատկություններից մեկը՝ ավելի ցուրտ կլիմայական պայմաններում ծաղկելու կարողությունն է: Ինչի շնորհիվ դրանք ոչ միայն մնայուն են և թարմ, այլ նաև մարմնավորում են ուժն ու գեղեցկությունը, որն ունակ է ծաղկել և դիմակայել նույնիսկ դժվարին պայմաններում։ 

Սակայն ցուրտ ամիսների ընթացքում հաճախ այս կամ այն ծաղկի տեսակը հայթայթելը թվում է դժվար, սակայն դա այդպես չէ։ Եկեք ծանոթանանք ծաղիկների այնպիսի տեսակների հետ, որոնք կարող եք ձեռք բերել նույնիսկ ձմռանը։

Հորտենզիաներ

Արտահայտիչ տեսք ունեցող ծաղիկներ՝ հատկապես ձմռան ընթացքում։ Հորտենզեաները սովորաբար զուգորդվում են գարնանային և ամառային ջերմ ամիսների հետ, սակայն դրանց որոշ տեսակներ կարող են պահպանել մնայուն և թարմ տեսքտը՝ նաև ձմեռային ամիսների ընթացքում։

Ծաղիկների այս տեսակը հասանելի է գունային հարուստ գամմայով և ներշնչում է կյանքի ջերմ նոտաներ և տոնական բարձր տրամադրություն։

Գեղեցիկ տեսքից բացի, հորտենզեաները նաև ունեն յուրահատուկ խորհրդանշություն․ նրանք հաճախ զուգորդվում են երախտագիտության, ըմբռնման և սրտանց զգացողությունների հետ։

Ձմռան ամիսներին հորտենզիա նվիրելը հաղորդում է գնահատանքի և ջերմության ուղերձ, դարձնելով այն իմաստալից քայլ՝ ընկերների, ընտանիքի անդամների կամ գործընկերների համար:

Խոլորձներ (Օրխիդեա) 

Ծաղիկներ, որոնք ամառային ամիսներին կարող են արտահայտել թարմ կյանքի սկիզբը, իսկ ձմռան ընթացքում մարմնավորել ձմեռային լռությունը և ձյան ճերմակությունը։

Խոլորձներն արտահայտում են սերն ու կիրքը, ինչի շնորհիվ շատերի կողմից հայտնի ընտրություն են հատկապես ձմեռային տոների ընթացքում։

Ցուրտ կլիմայական պայմաններում Խոլորձները ծաղկում են ավելի դանդաղ, սակայն Մոն Ամի ծաղկի մասնագիտացված խանութ-սրահի ջերմոցներն ապահովում են նրանց ծաղկման կատարյալ պայմանները, դրանով իսկ հասանելի դարձնում ձմեռային յուրաքանչյուր տոնի համար։

Վարդեր

Սեր, գեղեցկություն, և անժամկետ նրբագեղություն խորհրդանշող ծաղիկների տեսակը հենց վարդերն են։ Դրանք ուշագրավ դիմացկունություն ունեն հատկապես ցուրտ պայմաններում, ինչի շնորհիվ էլ ձմեռային ամիսներին հնարավոր է գտնել վարդերի ամենատարբեր տեսակներն ու գույները։

Բացի այդ, վարդերը նաև հայտնի են խորհրդանշական այլ գաղափարներով, որոնց նշանակությունը կախված է հենց դրանց գույնից։ Օրինակ, սպիտակ վարդերն արտահայտում են ազնվություն և երիտասարդություն, ինչպես նաև երիտասարդ սեր և հավատարմություն։

Կարմիր վարդերն արտահայտում են սեր և համակրանք, ինչի շնորհիվ հիանալի ընտրություն են զգացմունքները ծաղիկների միջոցով փոխանցելու համար։

Մեկ այլ սիրված ընտրություն է ծիրանագույն վարդերի տեսակը, որոնք մատնանշում են ազնվությունն ու երախտապարտությունը։

Այսպիսով, վարդերի շնորհիվ կարող ենք արտահայտել զանազան զգացմունքներ։ Ինչպես նաև ստանալ զգացմունքների վառ կոմպոզիցիա արտահայտող վառ համադրություններ։

Անթուրիում

Յուրահատուկ տեսք ունեցող ծաղկի տեսակ, որը կարող է համադրվել ծաղիկների այլ տեսակների հետ։ Իսկ արդյունքում կստացվի արտասովոր և գրավիչ փունջ, որը կարող է դառնալ մոտեցող տոների գլխավոր զարդ։

Ծաղկի այս տեսակը կարելի է բնութագրել սրտաձև տերևով, որը հասանելի է սպիտակ և կանաչ գույների համադրությամբ։

Սակայն ի՞նչ են խորհրդանշում այս խորհրդավոր ծաղիկները։ Դեռ վաղ ժամանակներից Անթուրիումն ասոցացվում էր հյուրընկալության և հարստության հետ, ինչի շնորհիվ մինչ այսօր հիանալի նվեր է այս կամ այն առիթի կապակցությամբ։

Ծաղիկն աճեցվում է արևի ուղիղ ճառագայթներից հեռու, որոնք կարող են վնասել դրա նուրբ թերթերը։ Իսկ որոշ դեպքերում էլ այն նույնիսկ սնվում է խոնավ միջավայրից։ Դրանով էլ կատարյալ ընտրություն դառնում հենց ձմեռային ամիսների ընթացքում։

<p dir="ltr" style="line-height: 1.3800000000000001; margin-top: 0pt;&